حطمنى اكثر لايهمك عذابي

هذي ثانى قصه لي تحكى عن 5 بنات كل وحده له حكايه خاصه فيها فيها اكشن ومواقف جميله واتمنى تكون قصتى احلى من روايه جروح البنات

صحت من النوووم وهى بقمه نشاطها لبست ملابسها وتخصرت وهى تناظر شكلها هى عارفه انها حلوه مو حلوه وبس الا جميله حييييييييل بس للاسف غرورها بنفسها عيبها الوحيد ارسلت بوسه طايره لمرايا اللي قدامها وسحبت شنطتها بتروح اليوم لبيت عمها للازم تحل المشكله هذي مومعقوله هى الجميله اللي الكل يتمناها تنخطب لواحد ماتعرف عنه شي الا انه ولد عمها شلون وكيف يصير خطيبها ماتدري خصوصا انه مسافر ماهو على كيف عمها يعلق مصيرها مع ولده بهالشكل ليش وين احنا فيه
نزلت من الدرج وهى فى قمه نشاطها للاسف ابوها وامها دايم فى عالمهم الخاص الاب مشغول بعمله والام يامعزومه يانايمه ماكنها بنتهم الوحيده زفرت وهى تشوف الصاله هادئه >>>شخصيه القصه اسمها شجون عمرها 23 توها متخرجه من الكليه
- : صباااااااااح الخير شجون
شجون وهى ترسم ابتسامه خفيفه على وجهها : صباااااااح النور سلمى >>>سلمى هذي هى اللي ربت شجون من وهى صغيره
سلمى قربت من شجون : اشوفك كاشخه على وين ؟
شجون اختفت الابتسامه اللي كانت مرسومه على وجهها : رايحه احل الورطه اللي تورطت فيها ...رايحه لعمى
سلمى مسكت اكتاف شجون وجلستها على الكرسي وجلست جنبها: ورطه !!!!!
شجون والعبره خانقتها: ايه ورطه شلون ابوي وعمى يتحكمون بمصيري كذا حنا وينا فيه انا انسانه لي رأي
سلمى : شجون .... السالفه صار لها مده ولدعمك راجع بعد اسبوع وانتى ماوراك الا هالسالفه مامليتى
شجون وقفت وتخصرت : عرفت ليش سمونى كذا اهلي سمونى شجون تعرفين ليش على الحزن بس والله ماراح اسمح لاحد انه يحركنى على كيفه انا مو ناقصنى شي علشان اخذ واحد كل اللي اعرفه عنه انه يدرس بخارج
سلمى : طيب ماكنك بدري تروحين هالحين
شجون: عمى بعد ساعه بيروح لشغله ودي الحق عليه
سلمى : شجون وش راح تقولين له
شجون مسكت شنطتها الصغيره وطلعت بسرعه مع السايق رايحه لبيت عمها .... كان حلم شجون انها تتزوج واحد يموت عليها حييييل ويسوي المستحيل علشان يأخذها >>>>البنت متأثره بمسلسلات هههههههه
وصلت لبيت عمها ونزلت من السياره وهى تحاول ترتب افكارها شلون تكلم عمها فى موضوع مثل هذا شخصيه عمها مخيفه حيييل والكل يحسب له حساب .... زفرت شجون بقهر وقالت فى خاطرها : ولو والله لونه بوش ماهمنى
ضربت الجرس وفتحت لها الشغاله
شجون: وين عمى
الشغاله : بابا فى يفطر
شجون دخلت وهى تدور بعيونها البنيه على عمها اول ماشفته جالس على الكرسي ويفطر حست ان كل قوه عندها ماتت كل شعره بجسمها ترتعش ماتدري وش تقول انسان اللي قاعد يفطر هو عمها بس للاسف ماتحس اتجاه الا بالخوف واوقات تشوف الخوف بعيون ابوها اتجاه اخوه الكبير يوم حست شجون انها طولت ولا قالت شي
شجون : السلام عليكم عمى ..... راحت لعمها وباست جبينه
ابوسامى : وعليكم السلام
شجون سحبت الكرسي وجلست عند عمها وعيونها تحت ماتدري شلون تبدأ بكلام
ابو سامى يناظرها بستغراب: شجون عسى ماشر وش فيك
شجون اخذت نفس عميق تحاول انها تهدأ اعصابها : عمى ولدك ماابيه
ابو سامى وقف وانشدت اعصابه وناظر فى شجون بحده ومسكها مع شعرها : شوفي ولدى راح يأخذك غصب طيب هو زوجك فاهمه
شجون وهى تحاول تحكم بنفسها : عمى رجاء فك شعري
ابوسامى فكها ومسك شنطته حقت الشغل وطلع وهو معصب ... شجون جلست على طول عى الكرسي وقامت تبكى بحراره ...............وفى خاطره كانت تحلف انها ماراح تتزوج سامى لو وش صار مسحت دموعها وطلعت من البيت وهى تحس نفسها مخنوقه
ابوسامى ماقدر يستحمل كلام شجون واتصل على اخوه : الوووووو محمد
محمد هو ابو شجون : هلااااا ابو سامى
ابوسامى : اسمع شجون لسامى فاهم
محمد: انا قلت غير كذا
ابوسامى : انت عارف ليش حنا نبيهم يتزوجون المسأله ماهي مسأله فلوس المسأله عارفها زين انت
محمد: ياخوي هونها وتهون خلاص زواجها من سامى الخميس الجاي اول مايرجع يتملك ويتزوج ونرتاح

رأيتهـ يقتحم حياتى ... وكأننى شي
من ممتلاكاته .... رأيته من بعيد
فحمل قلبي كرها لذاك البعيد
فى باريس
خرج من الجامعه والفرحه على وجهه حس كأنه بطير عقب التعب كم سنه راح يرجع لبلاده وماهو أي رجوع شي يرفع الرأس>>>اكيد عرفتوه هذا سامى الشاب خارق الجمال يشد النظر له
سمع صوت يناديه : سامى
سامى ناظر الصوت وعرفها هى حبيبته اللي حبها من اول سنه جاء هناااااا
سامي : هلاا نوره >>>طالبه سعوديه جمالها ناعم
نوره : بشر
سامي مسك يد نوره : الحمدلله نجحت وتخرجت واخييير راح ارد البلاد
نوره سحبت يدها من سامى وبانت ملامح الحزن بوجهها : مبروك
سامى رجع مسك يدها: وش فيك
نوره بصوت حزين: وش فينى ! انت عارف
سامى : نوره انتى عارفه انى مهما بعدت مصيري راجع لبلادي وانتى بعد كلها سنه وراجعه
نوره : شلون اتحمل الغربه بعدك
سامى : ماراح اقطع اتصالاتى عنك لاتنسين ياحبي انتى زوجتى ماراح اتنازل عنك
نوره : سامى شلون وبنت عمك شجون
سامى تغير وجهه وبانت عليه العصبيه":شجون امرها منتهى انا مستحيل اتزوجها
نوره مسكت يد سامى : حبيبى انا معك لو مهما كان
ابتسم سامى وحوطها بدينه : كذا ابيك
......
مسكت جوالها بخفه وضغطت على الارقام >>>رهف جمالها فيه شقوه شخصيه اخرى بقصه
- الووووو
رهف كانت ساكته وهى تسمع صوت حبيبها اللي مايعرف حتى من تكون
- مامليتى... من انتى !!!
رهف شهقت حتى ان سلطان سمع شهقتها>>.سلطان ولد خالها
سلطان: يامطولك يالليل
رهف سكرت الجوال بوجهه ورمته على السرير ونسدحت وهي تتخيل شكله قالت فى خاطرها اكيد عصب منى وش اسوي ودي اسمع صوته مايكفى اني ماشوفه الا بصدف احبه لو كان معي قاسي طول عمره يعاملنى كأنى اخته للاسف اخته وبس وكتمت رهف صوت انين كان بدخلها
...
وصلت شجون بيتها وهى تحاول تضبط اعصابها كانت هذي اول مره يعاملها عمها كذا صحيح ماكان طيب معها بس مو قاسي كذا ومع ذلك اصرار انها ترفض الزواج يزيد يوم ورى يوم
دخلت وشافت امها جالسه على كنب وتقلب بالتلفزيون حست بغصه وهى تشوف امها وماتحس انها امها تحركت رايحه للدرج
ام شجون: شجون
شجون وهى طالعه للدرج وظهرها لامها: نعم
ام شجون : انا راح اسافر بكرا وراح اجي بعد 4ايام قبل زواجك
شجون مسكت اعصابها ولفت لامها: ماما ... روحى لاي مكان غيبي بشهور سوي اللي تبين انا مو متزوجه ولدهم سامى لو وش صار
ام شجون: شجون من مصالحتك تأخذينه
شجون: علمونى ليش اتزوج سامى بذات
ام شجون ماقدرت ترد عليها وراحت جلست قدام التلفزيون
شجون ابتسمت ابتسامه صفراء وراحت لغرفتها
.......
( هالحين مجرد كتابه صغيره شفتوا فيها رهف وشجون ونوره باقي شخصيتن) وصدقونى بكرا راح اخليها طويله