شريك العمر

اخواني اعضاء المنتدى فية موضوع كنت بفكر فية وكنت عاوز اعرف تفكيركم انتوا كمان فية اية ؟
الموضوع ده كان اية مواصفات شريك العمر يعني كل واحد اية المواصفات اللي بيتمناها في الانسان اللي عاوز يرتبط بيه مدى الحياه .........
وهل المواصفات دي اساسية لا يمكن التنازل عنها في الشخصية اللي هترتبط بيها ولا لأ ؟
وفي حالة وجود حب بين طرفين مع عدم وجود هذه المواصفات في احدي الطرفين هاينجح الارتباط ولا لأ ؟
وفي حاله وجود شخصية فيها كل المواصفات او معظمها بس المشكله انها هتاخد وقت حتي تستطيع اتمام الزواج هنوافق ولا لأ ؟
واتمني تكون الردود عقلانية وواقعية وياريت اللي يقول المواصفات يقولها بشكل مفسر بمعني ان حد يكتب مثلا متدين طب اية مفهوم التدين اللي بيدور عليه صلاه وصوم بس ولا معاملات ولا اية يعني ياريت نفسر الردود شوية ...............
واتمني ان الموضوع ينال اعجابكم ومستني الردود................................................

ما بدي اتجوز

هههههههههههههه بصراحة عندك حق لان في كتير ناس بتتجوز وشخصياتهم مختلفة جدا عن بعض وبرغم كدة بينجحوا جدا لانهم ميقدروش يستغنوا عن بعض

انا المواصفات اللي طالبها في شريكة حياتي مش محددة الي حد ما بس اكتر حاجة تهمني اني اكون مستريح نفسيا معاها وانها تكون بتحبني جدا لانها لو بتحبني هتحاول تشوف اية اللي بيريحني ويسعدني وهتعمله حتي لو مش بتعرفه وهتتجنب كل حاجة هضايقني وانا مش طالب منها غير حب بلا حدود وطبعا تكون متدينه لان لو عندها دين اكيد برضه هتريحني بس مش طالب اكتر من كدة انها تكون بتحبني بلا حدود ومتدينه بس وطبعا انا كمان لازم اراعي ربنا فيها واحترمها واعاملها كويس واحبها برضه بلا حدود ........................

شوف يا بلو انا هاقولك حاجه من واقع خبرتى الشخصيه المحدود برضه اولا اكتير الشخصيات اللى تخاف منها اللى بتحبك بلا خدود انا بتكلم فى العموم سواء شباب او بنات والحقيقه ابرز دليل لكلامى هيا قصه بسيطه سمعتها من الشيخ ابو اسحاق الحوينى وكان بيتكلم عن احد طلاب الشيخ الالبانى عليه رحمه والله وقال ان الطالب ده كان يعشق الشيخ الالبانى وشده الحب ده تجعل الشخص ينقلب 180 درجه مع ابسط خلاف وده فع اللى حصل والسبب فى كده ان الانسان لما بيحب حد اوى اوى بيحس ان الفرد اللى بيحبه لازم يعامله معامله افلاطونيه شويه فمع ابسط خلاف يشعر ان اهين اهانه بالغه وبالتالى فرد الفعل بيكون بالغ ...
ثانيا وده الاهم.. وبينى وبينك ما فيش حد يستحق انه يحب لذاته بمعنى ان احنا مليانين عيوب مش عيوب بس دا احنا مليانين فواجع فمن الصعب جدا ان اى حد يكن ليك الحب ده ...
طيب هاتقولى ايه الحل ,, تاحقيقه من رايى انك علشان تضمن فرد يتعامل معاك بافضل ما يكون لازم تكون غايه الفرد ده اعلى واسمى من انه مجرد يرضيك او ينال قلبك بمعنى ان الفرد ده يكون هدف من خدمتك حاجه اعلى وده طبعا صعب اك تلا قيه الا فى حاله واحد ألا وهى بنت فاهمه ان حسن تبعل المراه لزوجها يعادل صلاه اجماعه والجهاد وما شابه واحده تعلم ان رضا الزوج مقدم عن كل شى واحده تعلم ان من ماتت وزوجها راض عنها فهى فى الجنه كما جاء فى السنه ..
فى الحاله ده بس هاتتفانى فى خدمتك ده طبعا بلأضافه اللى وجود حب وتفاهم بين الطرفين طبعا ده لا يتعارض مع ما سبق ....
هذا والله اعلى واعلم
وهدانا الله واياك اللى ما فيه الخير والبر والصواب ..وزقنا واياك الزوج الصالح
والسلام عليكم ورحمه الله

اخي krash انا فاهم قصدك علي فكرة فعلا اشد الناس كرها للانسان هما اللي كانوا بيحبوه اوي بس الحب اللي قصدته مش الحب الافلاطوني انا كنت اققصد الحب القوي اللي مش بيتهز بالخلافات والمشاكل والظروف اللي فية اخلاص من الطرفين واعتناء كل منهم بالاخر في كل تفاصيل الحياة حتي الصغيرة بمعني انه يكون الحب اللي يضمن السعاده للطرفين مش الحب المجنون الاعمي وشكرا ليك علي اهتمامك وعلي كلامك وجزاك الله كل خير.....

مواصفات شريك الحياه بالنسبه لى:
1_يكون عنده اخلاق وده مابقاش عند كتير من الشباب
2_يكون متدين بمعنى الكلمه يعنى مش مجرد صلاه وصوم
3_يكون من اصل طيب يعنى من عائله محترمه
4_يتحمل المسؤليه
5_ميكنش عصبى وانا اقصد العصبيه اللى من غير لزمه يعنى ميوصلش لدرجه البرود
وديه الحاجات الاساسيه التى لا يمكن الاستغناء عنها اما الحاجات الفرعيه:
يكون دمه خفيف_اجتماعى
وده طبعن مش كل المواصفات ده اللى انا فكراه دلوقتى وده اللى انا اتعلمته من تجارب الاخرين ]