دعوه للحوار _ موقفك هايبقى ايه

اخواني كان فية سؤال بسأله لنفسي كتير وناقشته كتير اوي مع صحابي وكنت اتمني اننا نناقشة هنا مع بعض وسؤالي هوه لو حبيت بنوته جميله وعجبتك جدا من كل النواحي الاخلاقية والشكلية من الاخر كانت فتاة احلامك مجسدة وكنت عاوز تخطبها عشان تكون زوجتك بعد كدة لكنها فجأتك انها كانت بتحب حد قبلك لكن الحب دة انتهي من بدرى هتكمل عادي معاها ولا رأيك هيتغير ومش هتقدر تكمل معاها ونفس الوضع بالعكس يعني بالنسبة للبنات لو اتقدم لكم ولد لكنه كان بيحب بنت قبل كدة وانتهت علاقتهم رد فعلك هيكون اية هتوافقي ولا؟؟؟
دي دعوة مني للمناقشة الجادة المتزنه بدون اي مجاملات او تحيزات في الاراء وارجو وضع سبب لكل رأي وما وجهة النظر فية ومستني ارائكم ومشاركتكم.............

والله انا بالنسبالى هناك حالتين . الحاله الاولى انها تكون اتخطبت لشخص ما وكانت مرتبطه بيه عاطفيا وده وضع طبيعى وبعد كده حال حائل دون اتمام الزواج واتفرقوا فى الحاله ده انا ما عنديش اى مانع بشرط ان احس فعلا انالموضوع انتهى بالنسبالها.
اما الحاله التانيه ان يكون الشخص اللى هيا بتحبه ده او كانت متعلقه بيه صديقها او زميلها فى الكليه ففى الحاله ده اعتقد انى مش هاقدر اكمل حتى وان كان الامر بالنسبالها منتهى .
قد يكون رايى خاطى او مش مفهوم بس اعتقد ان ده الانسب على الاقل بالنسبالى .....وشكرا

والله مش عارف ااقولك اية يا بلو بس من وجهة نظري انا ممكن اقبل اني اكمل معاها بس اكون متأكد انها نسيت حبها القديم واكون متأكد برضه انها بتحبني اوي ومخلصة ليا لكن مش هقولك ان الموضوع ده مش هيضايقني لا هوا هيضايقني وهفكر فية كتير وهقعد اسألها عنه واعمل مقارنات بس بحبها ليا ممكن هي تضيع اي تفكير في الموضوع ده من ناحيتي وبحبي ليها وبمعاملتي الكويسة ممكن الغي اي تفكير ليها في الموضوع ده
ده رأيي المتواضع وشكرا ليك علي المناقشة الجميلة اللي فعلا بتناقش قضية او حاجة بنحس بيها مش اللي يقولي انتحار وعاوز يعرف احنا بننتحر ازاي

والله يا اخ اسامه منير
انا بعت رساله على 6066 وجليش الرد لغاية دلوقتى انتظر بقى الحلقه الى جايه من انا والنجوم وهواك وانته تعرف رائ