ـــ قصيدة اللحمــــة ـــ

يا لحمه فينك من زمان
كل ما أشوفك افتكر إلي كان
من حبي فيكِ مش قادر أنسى

كل ما أشوفك افتكر إلي كان
عيد الأضحى إلي فات
شفت اللحمة في البيت

جالي ذهول
قلت مش معقول
دي لحمه ولا لحمه
قالوا دا لحمه يا محروم
رحت مشمر الهدوم
وبصوت عالي قلت هجوم


ودخلت عليها بقلب جامد
لكن طلعت لحمه مجمده
بتاعت الثلاجات
مش حلوه زى رمضان إلي فات


دا خير زمان قل فيك يا بلد
ولا لاقين العظم ولا اللحمة
ونسال راحت فين اللحمة
يقولوا انقرضت من كتر الزحمة
وأأأأأأه يا لحمه


وراحت اللحمة وريحتها
من كتر الأسى عليها
بلاش تجيبوا سيرتها
لأحسن يغمى عليا


وخلي العيد يعدي على خير
وأخر كلامي كل عام وأنتم بخير